Ham pyaar men jalanewaalon ko

Ham pyaar men jalanewaalon ko chain kahaa haay, aaraam kahaa

preet kee andhiyaaree mnjil men chaaron or siyaahee
aadhee raah men hee lut jaayen, is mnjil ke raahee
kaatonpar chalanewaalon ko chain kahaa haay, aaraam kahaa

bahalaae jab dil naa bahale to aise bahalaae
gam hee to hain pyaar kee daulat ye kahakar samajhaae
apanaa man chhalanewaalon ko chain kahaa haay, aaraam kahaa

Wo subah kabhi to aayegi,

Wo subah kabhi to aayegi, wo subah kabhi to aayegi
In kaali sadiyon ke sar se, jab raat ka aanchal dhalkega
Jab dukh ke baadal pighalenge, jab sukh ka sagar chalkega
Jab anbar jhoom ke naachega, jab dharti naghme gayegi
Wo subah kabhi to aayegi

Jis subah ki khaatir jug jug se, hum sab mar mar kar jeete hain
Jis subah ke amrit ki boond mein, hum zahar ke pyale peete hain
In bhookhe pyase ruhon par, ek din to karam faramayegi
Wo subah kabhi to aayegi

Mana ke abhi tere mere armano ki keemat kuch bhi nahi
Mitti ka bhi hai kuch mol magar, insano ki keemat kuch bhi nahi
Insano kii izzat jab jhoothhen sikkon mein naa toli jaayegi
Wo subah kabhi to aayegi

karoge yaad to, har baat yaad aayegee

karoge yaad to, har baat yaad aayegee
gujarate wakt kee, har mauj thhahar jaayegee

ye chaaand beete jamaano kaa aainaa hogaa
bhatakate abr men cheharaa koi banaa hogaa
udaas raah koi daastaaan sunaaegee

barasataa bheegataa mausam dhuwaa dhuwaa hogaa
pighalatee shammo pe dil kaa mere gumaa hogaa
hatheliyon kee hinaa, yaad kuchh dilaayegee

galee ke mod pe, soonaa saa koi darawaajaa
tarasatee aaankhon se, raastaa kisee kaa dekhegaa
nigaah door talak, jaa ke laut aayegee

Kaahe ko roye, chaahe jo hoye

Banegi aasha ik din teri ye niraasha

kaahe ko roye, chaahe jo hoye
safal hogi teri aaraadhana
kaahe ko roye...

aankhe teri kaahe naadaan
chhalak gayi gaagar samaan
sama jaaye is men toofaan
jiya tera saagar samaan
jaane kyon tu ne yun
asuvan se nain bhigoye
kaahe ko roye...

kahin pe hai sukh ki chhaaya
kahin pe hai dukhon ka dhoop
bura bhala jaisa bhi hai
yahi to hai bagiya ka roop
phoolon se, kaanton se
maali ne haar piroye
kaahe ko roye...

diya toote to hai maati
jale to ye jyoti bane
aansu bahe to hai paani
ruke to ye moti bane
ye moti aankhon ki
poonji hai ye na khoye
kaahe ko roye...

Shaam hone ko hai Laal suraj samandar mein khone ko hai

Shaam hone ko hai
Laal suraj samandar mein khone ko hai
Aur uske pare kuch parinde kataare banaaye
Unhi jungalon ko chale,
Jinke pedon ki shaakhon pe hai ghosle
Ye parinde wahin laut kar jaayenge, aur so jaayenge

Hum hi hairan hain, in makaanon ke jungle mein
Apna koi bhi thikaana nahin
Shaam hone ko hai
Hum kahan jaayenge

Dard apnata hai paraye kaun

Dard apnata hai paraye kaun -2,
Kaun sunta hai aur sunaye kaun,
dard apnata hai paraye kaun

Kaun dohraye purani batein - 2,
gham abhi soya hai jagaye kaun - 3,

Woh jo apne hain kya woh apne hain - 2,
kaun dukh jhele aazmaye kaun - 3.

Ab sukun hai to bhoolne mein hai -2,
lekin us shakhs ko bhulaye kaun - 2,
dard apnata hai paraye kaun

Aaj phir dil hai kuch udas udas - 2,
dekhiye aaj aaye kaun -2,

dard apnata hai paraye kaun
kaun sunta hai aur sunaye kaun

koi ye kaise bataaye ke, wo tanahaa kyon hai

Koi ye kaise bataaye ke, wo tanahaa kyon hai
wo jo apanaa thaa wahee, aaur kisee kaa kyon hai
yahee duniyaan hain to fir, ayesee ye duniyaan kyon hai
yahee hotaa hain to aakhir, yahee hotaa kyon hai?

ik jaraa haath badhaa de to, pakad le daaman
uske seene mein samaa jaaye, humaaree dhadkan
itni kurbat hain to phir, faaslaa itnaa kyon hai?

dil-e-barabaad se niklaa naheen, ab tak koee
ik loote ghar pe diyaa karataa hain, dastak koee
aas jo toot gayee;phir se; bandhaataa kyon hai?

tum masarrt kaa kaho yaa, ise gam kaa rishtaa
kahate hain, pyaar kaa rishtaa hain janam kaa rishtaa
hai janam kaa jo ye rishtaa to, badalataa kyon hai?